Muller pra lonxe (Deputación de Lugo, 1986) é o libro no que Uxío Novoneyra compilou a súa poesía amorosa e erótica. En 2011 a mesma institución reedita este título imprescindible nun coidado volume de gran formato.

O libro recolle unha escolma de vinte poemas atravesados polo sentimento e a intensidade. Achega tamén unha prosa poética e varias composicións caligráficas que dialogan con fermosas ilustracións a cargo do pintor lugués Carlos Pardo Teijeiro. Luís Cochón e Claudio Rodríguez Fer asinan os dous estudos crítico que acompañan a edición e que actúan, respectivamente,  a modo de  prólogo e epílogo.

En Muller pra lonxeUxío Novoneyra, cunha gran delicadeza, fala dun amor múltiple que vai do lamento a celebración, da perda a liberación, un amor fundado na terra, no pobo, na muller, na amizade, na comunidade; un amor que céntrase na súa poética coma esencia vital da creación.

Unha das súas “deitelas” (teima repetida, discurso insistente na fala do Courel) é o amor, pero trátase sempre do amor vivido, do amor experimentado. Se o amor forma parte do seu dicir poético é porque do mesmo tivo unha intensa vivencia previa.
Francisco Martínez Bouzas en Novenoites