Coidada edición que, a xeito de necesario homenaxe, recolle unha selección de traballos e series fotográficas de Federico García Cabezón, artista heterodoxo que dá testemuño de primeira man de episodios clave na historia máis recente de Galicia, coma o despoboamento do rural ou a catástrofe do Prestige.

Federico García Cabezón suma catro décadas de labor fotográfica, á que chega a través da súa profesión de médico rural nun dos territorios máis illados de Galicia, a serra do Courel.

Con el corazón en el ojo recolle tanto as instantáneas  que caracterizan a súa traxectoria ata 1999 como tres das series nas que o fotógrafo organizou os seus traballos posteriores: “Os Últimos Labregos”, “La catástrofe del Prestige” e “Finisterráis”.

Este volume, promovido pola Fundación Uxío Novoneyra,  foi posible grazas a un proxecto de financiación colectiva en goteo.org.