A poeta canadiana Erin Moure (Calgary, Alberta, 1955) traduce a obra máis emblemática de Novoneyra neste volume promovido pola Fundación e publicado pola casa norteamericana Veliz Books. Nel, Moure encaixa a Novoneyra no concepto anglosaxón ecopoetry, conectando o compromiso do autor coa súa terra, a montaña do Courel, a súa lingua, e os nomes e costumes do seu pobo coa expresión das culturas minoritarias e a loita da liberdade fronte ao imperialismo, a guerra e o expansionismo económico.

A autor sitúa a Novoneyra, poeta e home da terra, xunto a Lorca como «poetas visionarios da España do século XX» e apunta:

A súa obra, rica en son, verbo, silencio e xesto, revélao como un ecopoeta antes de que existise o concepto. Os Eidos (The Uplands), publicado por primeira vez en 1955 e aínda impreso na actualidade, é a súa obra monumental.