“Polo camiño sonoro da palabra: interseccións entre literatura e música” no 25º aniversario do pasamento de Uxío Novoneyra é o tema central deste Comité de directores de museos literarios que visita por primeira vez a Península Ibérica.
O Comité Internacional de Museos Literarios e de Compositores (ICLCM), parte da Asociación Mundial de Museos (ICOM), celebra por primeira vez na Península Ibérica a súa Conferencia Anual, que terá lugar os días 24, 25 e 26 de outubro de 2024. Galicia foi o destino elixido polo seu patrimonio literario, con Santiago de Compostela, a cidade de Lugo, as vilas de Rianxo e Padrón e Outeiro de Rei e as Montañas do Courel seleccionadas como parte do programa de visitas.
Esta reunión unirá once literaturas distintas, explorando as ricas conexións entre a literatura e a música, centrándose nas múltiples interseccións entre ambas as dúas formas artísticas.
Galicia, co seu patrimonio cultural único e o seu legado e vangarda literaria e musical, foi seleccionada como marco ideal para esta conferencia.
No contexto do 25º aniversario do pasamento do poeta Uxío Novoneyra, esta conferencia ofrecerá un espazo para honrar o seu legado e o de outros autores fundamentais na literatura galega, como Rosalía de Castro, Manuel Antonio, Manuel María, Manuel Antonio, e o Nobel Camilo Jose Cela, así como para reflexionar sobre o diálogo constante entre música e palabra en Galicia, dende os Cancioneiros medievais ata a actualidade.
O evento conta co apoio da Consellería de Cultura da Xunta de Galicia e a colaboración de asociacións de museos como RELIGA, ACAMFE, Espais Escrits e Case della Memoria, que contribuirán á súa celebración.
Entre as actividades programadas, destacan as visitas a museos literarios e casas de autoras, sesións de relatorios e conferencias impartidas por expertos internacionais, e actuacións musicais en vivo que poñerán en valor a fusión da música e da poesía galega.
O encontro culminará cunha visita a Serra do Courel, onde se homenaxeará o legado do poeta no seu 25º aniversario.
Datas: 24-27 de outubro de 2024
Lugar: Santiago de Compostela e outros territorios literarios de Galicia, como as vilas de Padrón, Outeiro de Rei e Rianxo, a cidade de Lugo e as montañas do Courel.
Organiza: Comité Internacional de Museos Literarios e de Compositores (ICLCM) – ICOM
Apoia: Consellería de Cultura da Xunta de Galicia
Colaboran:, RELIGA, ACAMFE, Espais Escrits, Case della Memoria
