A Fundación Uxío Novoneyra e Punto e Coma presentan no Culturgal 2021 esta colección de seis contos ilustrados por Miguel Robledo. Será o 28 de novembro ás 17.45 h no Espazo Infantil.

A extensión musical do Festival dos Eidos celebrase do 30 de outubro ao 1 de novembro entre sede da Fundación en Parada e Folgoso do Courel. Agardámosvos para unha lectura conxunta dos Eidos de Novoneyra.

A exposición fotográfica que vertebra o proxecto instalarase na Casa-Escola de María Mariño, rehabilitada no ano 2018 por solicitude da FUN, entidade que a custodia. O venres 22, ademais da apertura da exposición, tamén se presentará o libro que integra o proxecto e compartiranse poemas escritos no marco do mesmo.

A Asociación de Casas-Museo e Fundacións de Escritores renovou a súa xunta directiva na Asemblea Xeral anual celebrada o 30 de setembro da Residencia de Estudantes de Madrid.

A segunda reunión xeral do proxecto europeo rurAllure celebrouse os días 8, 9 e 10 de setembro en Vila do Conde, Portugal, en paralelo ao primeiro Congreso Internacional promovido por este Horizonte 2020. Representantes das entidades socio do Consorcio, entre as que se atopa a Fundación Uxío Novoneyra, reuníronse para pór en común os avances desta iniciativa que persegue a promoción do patrimonio cultural no eido rural na contorna dos camiños de peregrinación europeos.