As cortes
A Casa de Parada é unha antiga casa labrega de recoñecido valor etnográfico. As cortes, debaixo dos cuartos da casa vividoira, conectan a horta co curral. Abranguen unha zona 400 m² distribuidos segundo as antigas estancias de pedra que gardaron o gando ata o ano 1982.
Desde 2010 as cortes foron acondicionándose para usos culturais diversos, e hoxe acollen salas expositivas, unha cantina e mais a tenda da Fundación, onde atopar as nosas publicacións. A antiga paneira acolle, ademais, o arquivo histórico documental.
