Fundación
Uxío Novoneyra

A Fundación Uxío Novoneyra é un ente estatal de interese cultural constituído no ano 2011 que persegue os seguintes obxectivos:

  • A conservación e difusión do legado do poeta Uxío Novoneyra así como da súa obra e as obras da súa colección privada.
  • A promoción de actividades de estudo e investigación nos eidos da literatura, especialmente na poesía, a lingua, as artes, en especial as visuais e escénicas; e os estudos históricos e políticos.
  • A defensa do medio ambiente, especialmente o relacionado coa súa obra, no eido territorial das súas actividades.
  • A dinamización e promoción sociocultural da súa zona de referencia.
  • A potenciación e a difusión da cultura e a realidade sociocultural de Galicia no exterior e a colaboración con entes público-privados de fins semellantes.

A Fundación  divulga o legado do poeta do Courel co obxectivo de gardar a súa obra e doala ó futuro.

Arrancamos o noso traballo coincidindo co  décimo cabodano do poeta, cando a Real Academia Galega anunciara adicarlle o Día das Letras Galegas do 2010. Daquela, familia e amizades repensamos a casa familiar e comezamos a súa rehabilitación para dar a coñecer o lugar de nacenza de Novoneyra, a aldea de Parada no centro mesmo da serra do Courel. Aquí pasou a meirande parte da vida, escribiu o seu poemario máis recoñecido e boa parte da súa obra poética.

Dacordo cos nosos obxectivos fundacionais traballamos diferentes liñas de acción cun enfoque plural e de traballo en rede. Establecemos a sede fundacional na Casa da Fonte, hoxe aberta ao público, e desenvolvimos o seu arquivo documental, literario e histórico.

Desde Parada programamos accións de mediación en centros educativos e traballamos en proxectos europeos, actividade pola que somos referencia de desenvolvemento en innovación, sostenibilidade e conexión con Europa en Galicia e o Noroeste Ibérico. Ademais programamos o Festival dos Eidos (Eidos Fest), residencias literarias e proxectos de natureza na serra courelá, lugar isolado e fortemente impactado pola emigración e o despoboamento.

Acreditamos que a poesía é unha forma de resistencia. 

Seguimos como guía o verso de Novoneyra, E índa e nova a terra!, que inspira as nosas accións coma axente cultural comprometido cunha montaña que é, desde hai máis de 70 anos, un territorio literario creado por Uxío Novoneyra.

CONTACTO

info@uxionovoneyra.com

+34 671 445 247

Parada 1, Folgoso do Courel

Padroado

Elba Rey Martínez

Presidenta

Uxío Novo Rey

Secretario

Vogais

Branca Novo Rey
Arturo Novo Rey
Xosé Manuel Beiras Torrado
José-Luis Cochón Touriño
Antón-Manuel Patiño Pérez
Federico García-Cabezón García
Anxo Pastor González
Nieves Neira
María Díaz Rei
Asociación Ecolóxico Cultural Sos Courel
Concello de Folgoso de Courel
Real Academia Galega
Asociación de Escritoras e Escritores en Lingua Galega
Universidade da Coruña

A Fundación quere lembrar aquelas outras persoas que foron parte deste padroado, agradecendo sempre o seu apoio e labor:

Manuel Neira e Pol (†)
Ana Gloria Rei Martínez  (†)
Lola Castro
Antón Bao
Mario Outeiro
Elena Candia
Pilar García Porto
Xosé Lois García
Isidro  Novo (†)
Pepe Leira (†)